Estás en:

Detalle trámite

Solicitude de autorización para a ocupación (temporal) da vía pública

Descargar impresos

(off line)

Iniciar trámite

(on line)

Descrición

O procedemento de "autorización para ocupación da vía pública" ten como obxecto regular as ocupacións temporais das vías públicas con contedores ou cubas, protección de obras, estadas e provisións de materiais con ocasión da realización de calquera obra ou traballo, así como para a realización de actividades como mudanzas, carga e descarga de materiais, descargas de combustible, carga e descarga de material relacionado con obras, vehículos con formigón, etc.

Quen pode presentar unha solicitude

Calquera persoa física e/ou xurídica que desexe solicitar unha licenza para a ocupación da vía pública.

Como e onde facer o proceso

Preferentemente de forma telemática a través do botón "Iniciar trámite". Se a persoa interesada non utiliza a vía telemática, poderá descargar o impreso ou impresos dende esta páxina ou acudir ao rexistro do Concello, onde lle facilitarán o dito impreso/s normalizado/s para presentar.

Documentación

Solicitude de autorización para ocupación da vía pública.
Comunicación previa de inicio ou modificación de actividade.
Comunicación previa de obra.
Licenza de apertura (locais comerciais). En caso de locais comerciais, achegarase a correspondente licenza, acreditativa de exercer unha actividade comercial, ou de que se están a realizar obras que motiven a necesidade da ocupación da vía pública.
Licenza de obras (se procede). En caso de obra nova/obra maior, achegarase a correspondente licenza acreditativa de que se están a realizar obras que motiven a necesidade da ocupación da vía pública.
Plano de situación, baseado na cartografía municipal, detallando a localización onde se ocupará a vía pública.

Xustificante de pago de taxas segundo a ordenanza vixente.

Normativa

Ordenanza fiscal nº 19, reguladora da taxa por ocupación de terreos de uso público municipal con mercadorías, materiais de construción, refugallos, valados, asnelos, andamios e outras instalacións análogas.

Máis información

Nome: Solicitude de autorización para ocupación da vía pública.

Unidade tramitadora: Urbanismo.

Inicio do procedemento: A instancia de parte.

Tipo de interesado: Persoa física ou xurídica.

Órgano de resolución: Alcaldía.

Carácter silencio administrativo: Silencio negativo.

Prazo de resolución: 1 mes.

Recurso aplicable: Potestativo de reposición / Contencioso - administrativo.

Taxas/impostos: Consultar ordenanzas no apartado de normativa.

Canles de atención: Telemático (Iniciar trámite).

Presencial.